कविता -हाम्रो टाउको कस्तो टाउको ?
आफ्नो बने दंग अरुको बने भरंग
यस्तो टाउको न त् पहिले बनेको थियो
न त् फेरी बन्नेछ, बन्दा पनि न बनोस
देख्न पनि न परोस, सुन्न पनि न परोस
हाम्रो टाउको कस्तो टाउको ?
कता मिल्या मिल्या जस्तो
कता कता ठ्याक्र्याक्कै नमिले जस्तो
हो हो जस्तो होइन होइन जस्तो
त्यसै त्यसै टिनीक्क गर्छ
धुप को बालुवा जस्तो
हाम्रो टाउको कस्तो टाउको ?
आफ्नो काम छोडी छोडी
अरु को टाउको खोज्ने
आङ्को भैसी लुकाएर
अर्काको कान को लिखो देख्ने
हाम्रो टाउको कस्तो टाउको ?
यो टाउको संसार कै अचम्म को टाउको
बिमतिको भकारी ,
आपद को आधीबेरी
आफु लाइ कहिल्यै नचिन्ने आखा भएको
हाम्रो टाउको कस्तो टाउको ?
अप्ठेरोमा फलेको फर्सी जस्तो
कागको लागि बेलको फल जस्तो
कति जिब्रे र कुन लिंगी छुट्याउन गार्हो पर्ने
अरु लाइ मुर्ख बनाएर रमाउन जान्ने
हाम्रो टाउको कस्तो टाउको ?
तल तिर बगाएर माथि तिर खोज्ने
मन्दिर जादा मासु को ब्यापार रोज्ने
निसुल्क पाए अलकत्रा नि झ्वाम्म पार्ने
अनुसन्धान गर्न लायक
हाम्रो टाउको कस्तो टाउको ?
लौन भन हो नेपाली को टाउको किन यस्तो ?
No comments:
Post a Comment